Jue. Oct 6th, 2022

O “Campeonato de España Profesional Kickboxing K1” se celebrará este sábado 30 de xullo no pavillón Manuel González Soto de Chapela (Redondela) a partir das 19:00 horas.

Organizado polo club El Barrio Kickboxing e baixo o amparo da “FEKM- Federación Española de Kickboxing y Muaythai”, a entrada ten un custo de 15 € anticipada (18 € en taquilla o día do evento).

Segundo nos informan dende a Organización, disputaranse seis pelexas categoría amateur, sendo a sétima e última o combate estelar da velada, que medirá ao vigués Pablo Izard contra o madrileño Kevin Bosah polo título de Campión de España profesional de K1.

O evento contará co combate dun deportista rosaleiro, Marcos Marzán*, de 24 anos, que tras competir en boxeo e savate (boxeo francés) debutará en kickboxing (75 kg) fronte ao púxil local Miguel Rodríguez.

*O loitador de O Rosal é membro do Spartam Team Tomiño e alumno de Charly López, mestre de artes marciais e boxeador profesional de Goián. En declaracións a Noticias O Rosal, Charly, que estará en Chapela acompañando a Marcos, fai fincapé en que nunca se sabe que pasará, que hai moitos condicionantes pero que “está claro que sen traballo non hai resultados” e agarda que o seu pupilo, aínda que sexa a súa primeira lid “faga un bo papel, xa que é a modalidade que mellor se adapta as súas características“.

Moita sorte Marcos no teu debut e a por todas!

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies