O barrio de Martín (xuradía de Fornelos) celebrará os vindeiros 23 e 24 de xuño as tradicionais Festas na honra de San Xoán.
Así, o sábado 23 terá lugar unha “Gran Sardiñada”, amenizada pola Charanga Nova Cubana. A partir das 0:00 horas, “Gran Fogueira de San Xoán”, con verbena a cargo do Trío Adredde.
O domingo 24, a partir das 10 da mañá, pasarrúas do Grupo de Gaitas Airiños do Folón. Ás 12:00 horas, misa de campaña, cantada polo Coro Ecos do Folón. Xa de tarde, sobre as 17:00 horas, inchables, toro mecánico e “pintacaras” de balde.
