Lun. Ago 15th, 2022
Pablo e Riky co cartel das Festas de San Xoán

Un pracer recibir en Librería & Editorial Tamuxe -a nosa sede física de Noticias O Rosal- a Pablo Pérez e a Riky Vicente, presidente e secretario respectivamente, da Asociación de Veciños de Martín e Visodoseidos (O Rosal).

Nunha distendida charla, Pablo e Riky contáronnos que este 2022 “tiraron a casa pola ventá”, xa que as Festas de San Xoán, que se celebran este venres 24 e o sábado 25 de xuño, veñen cargadiñas de actividades de lecer.

Os nosos activos amigos, que xa de moi novos botaban unha man á Comisión, sobre o ano 2013 colleron as rendas das Festas… e ata hoxe. Así, coa axuda dos demais veciños de Martín e Visodoseidos, xunto con diferentes casas comerciais da vila ofrecen nesta edición dous días de auténtica “jarana”.

O venres 24 de xuño, a partir das 10:30 horas, o grupo de gaitas Airiños do Folón percorrerá as rúas do pobo, para xa ás 12:30 horas, oficiarse unha misa de campaña a cargo de D. Julio Ramos, párroco de Santa Mariña, sendo cantada a cerimonia polo coro Ecos do Folón.

Pola tarde, a partir das 20:00 horas, Gran Sardiñada (sardiñas, pementos, viño e pan de broa) ademais de tapas de empanada e tortilla. Todo isto, co acompañamento musical de Airiños do Folón.

A partir das 0:00 h., Gran Fogueira de San Xoán e verbena co trío “La Noche del Grove”, que se prolongará ata altas horas da madrugada.

⚠☔ ATENCIÓN. Segundo comunica a Comisión de Festas de San Xoán, a sardiñada e fogueira pasan para o sábado 25 de xuño a partir das 20:00 horas.

E o sábado 25 de xuño, indícannos con ilusión Pablo e Riky, terá lugar a primeira Gran Noite de Djs co evento “O Son Dos Muños”, que contará coa participación de tres coñecidos disc-jockey da zona, como son Dj Charlie, Adrián Mesu e Diego Wass.

O presidente e o secretario da Asociación de Veciños de Martín e Visodoseidos lembran que haberá carpa en caso de choiva, ademais de sillas e mesas na propia Praza. Como non, e que non falte nunca nunha boa festa que se precie, contarase tamén cunha cantina a prezos populares.

Graciñas Pablo e Riky por visitarnos, que todo saia ben e noraboa polo voso fantástico traballo. Vémonos en Martín!

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies