Segundo podemos ler nas redes sociais, o piloto rosaleiro de drons, Gustavo Jurado Fernández, vén de crear a páxina web ‘Eldeldron’: “fotografía y vídeo no convencional (aéreo, subacuático, 360 VR, 3D, tours virtuales)”.

O noso veciño de adopción (leva máis de 20 anos en O Rosal) é un dos poucos operadores de aeronaves habilitados legalmente en Pontevedra na “Agencia Estatal de Seguridad Aérea” (AESA).

Gustavo Jurado é o autor, entre outros, do vídeo-trailer promocional “O Rosal dende o aire. Un paraíso natural” que saíu á luz o pasado mes de xullo. Pero ademais de cinematografía e artes audiovisuais, tamén se dedica a ofrecer solucións profesionais con dron por toda Galicia e mesmo produción, edición e montaxe de curtas e documentais.

¡Dende Noticias O Rosal, desexámoslle a Gustavo e a ‘Eldeldron‘ moita sorte no seu futuro profesional!