Xosé Tomás presenta novo libro en O Rosal

presentacion-libro-xose-tomas-en-o-rosal

Segundo nos comunican dende o Departamento de Cultura do Concello do Rosal, a nosa vila acollerá “a presentación do libro de humor gráfico MANUAL DE ESCOLA, de Xosé Tomás, ilustrador, guionista, humorista gráfico e profesor do CPI Manuel Suárez Marquier (O Rosal), con prólogos de Francesco Tonucci e Xaquín Marín”. O acto terá lugar no Auditorio do Rosal o vindeiro martes 8 de novembro ás 19:30 horas. 

“Teño que recoñecer con moita preocupación que a escola se asemella demasiado á que eu frecuentei setenta anos atrás”. Quen así fala é o célebre pedagogo Francesco Tonucci, no prólogo desta obra, facendo unha chamada urxente á necesidade de revisar o noso sistema educativo, unha escola superada pola pedagoxía, pola psicoloxía, pola neurociencia.

xose-tomas-o-rosal-1

Fotos: web de Xosé Tomás. Na principal, coa escritora galega Yolanda Castaño

En MANUAL DE ESCOLA -lembran dende o Concello do Rosal– o ilustrador, guionista e profesor Xosé Tomás funde as súas dúas vocacións e profesións, a imaxe e o ensino, botando unha ollada crítica e dolorosa, construtiva e humanista ás nosas aulas, ás eivas dun sistema de coordenadas educativas espazo-temporais que non van ao ritmo do neno. Unha escola que en moitas ocasións obvia o máis importante, a saúde global dos individuos, a persoa con intelixencias multiples, a emoción, a curiosidade.

Da man tamén do seu admirado Xaquín Marín, o autor realiza a través das viñetas un percorrido intimista, de fondo calado emocional, polo interior dos pequenos que medran e viven momentos cruciais das súas existencias excesivamente pegados a unha cadeira.

Deja un comentario

Tu dirección de correo electrónico no será publicada.