Xoán Tamuxe desvela a historia do Baixo Miño

Xoán Tamuxe comezando a súa intervención

O escritor e investigador rosaleiro Xoán Martínez Tamuxe, segue desvelando a rica historia do Baixo Miño e vén de ofrecer o venres 13 de xaneiro unha charla a preto de 150 alumnos de 5º e 6º de Primaria do Colexio Número 2 de Tui, baixo o título de A chegada da tella a Galicia e o traballo dos Cabaqueiros.

Esta actividade, coordinada polo mestre Ramiro García Entenza, enmárcase dentro do proxecto do centro Coas miñas mans o teu sorriso. Segundo García Entenza “a idea é crear dende aquí unha cooperativa que elabore diferentes produtos para comercialos e vendelos, para así colaborar con algunhas ONG\’s, asociacións, etc”.

Rapaces e rapazas do Colexio de Tui, atentos ás palabras de Tamuxe

O mestre afirma que comezaron “repartindo tellas artesás, do país, para inicialos no proxecto. Este ano nos dedicaremos á “Cerámica”, tratándoa dende distintos puntos de vista e enfoques. Tanto a cerámica castrexa, coma a artística e a popular”.

De aí que o Colexio Número 2 de Tui contactara con Xoán Martínez Tamuxe, un dos maiores expertos na actualidade, xa que “a Cultura Cabaqueira e todo o que envolve aos cabaqueiros nos pareceu sumamente interesante para comezar o ciclo de actividades que queremos desenvolver na nosa escola”.

Tamuxe explicando o diferente material e pezas da Cabaqueira

Tamuxe, autor de innumerables estudos e publicacións, durante preto de dúas horas, foi explicando aos rapaces e rapazas de Tui toda a historia dos nosos telleiros baixomiñotos e respondendo unha a unha as cuestións que formulaban os estudantes asistentes á charla.

O investigador rosaleiro firmando autógrafos ao finalizar a charla

O escritor rosaleiro lembrou que, por exemplo, “a chegada da tégula a Galicia foi na Romanización dos castros, no s. I a.C.” ou que “alá polo século X foi cando quedou a tella do país, a ímbrice”.

Tamuxe foi agasallado cunha figura de Sargadelos

Tamuxe recalcoulle aos alumnos que O Rosal decidiu crear a finais dos anos 80 a festa e monumento ao cabaqueiro como lembranza e homenaxe a este vello oficio artesanal, que foi o sustento económico de moitas familias do Baixo Miño.

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies