Este 2021 volve a celebrarse en O Rosal a tradicional Romaría de San Martiño, iso si, cumprindo o protocolo da covid-19 (os participantes deberán manter a distancia de seguridade interpersoal e levar máscara).
Tal e como reza o cartel que nos vén de facilitar a organización, o xoves 11 de novembro, día propio do Santo, haberá misa ás 18:30 horas na igrexa parroquial de Santa Mariña.
O domingo 14 de novembro, ás 10:30 horas, terá lugar a saída de San Martiño en procesión ata a súa ermida no monte, onde ás 12:00 horas oficiarase a misa solemne con sermón.
Como é habitual, a romaría estará amenizada por un xa clásico, o grupo de gaitas Albariños de O Rosal.
NOTA: Se o tempo non acompañara os actos trasladaríanse ao domingo 21 de novembro.