Vero Pérez, de O Rosal, prata na Copa de España

Informa: Mónica Pacheco / C.D. Baixo Miño

O pasado sábado 15 de decembro celebrouse en Tenerife a Copa de España “A” cadete, que contou coa participación da judoka rosaleira do club de judo Baixo Miño, Verónica Pérez Pacheco.

Verónica gañou todos os seus combates agás o da loita polo ouro, que perdeu por moi pouca diferenza no último minuto, a pesares de ir gañando os dous minutos anteriores, conseguindo desta maneira a medalla de prata.

Esta presea a sitúa entre as mellores da súa categoría no Ránking Nacional.

Agora, o seu vindeiro compromiso será o sábado 19 de xaneiro en Hondarribia (Guipúzcoa-País Vasco) noutra proba puntuable do circuito nacional. 

Deja un comentario

Tu dirección de correo electrónico no será publicada.