veronica-perez

A judoka rosaleira Verónica Pérez Pacheco (Club de Judo Baixo Miño) está que “non para”… ou mellor dito… “non hai quen a pare”. Esta fin de semana se celebrou en Valladolid unha nova Copa de España puntuable para o Ránking Nacional Infantil.

Verónica, que viaxou xunto aos seus compañeiros e adestradoras, Mónica Pacheco e Tecla María Cadilla, conseguía de novo, unha vez máis, a medalla de ouro na categoría de -44 kg, que despois do seu último metal dourado na Supercopa de España de Aviles, a colocan como primeira do Ránking Nacional.

judo-o-rosal

Con este novo triunfo, lembra Mónica Pacheco, a deportista rosaleira ten practicamente a clasificación directa ao Campionato de España da categoría. Con tan só 13 anos, Verónica acumula xa 4 medallas de ouro en Copas de España, ao que hai que engadir a presea de bronce do Campionato de España da tempada pasada.

¡Dende Noticias O Rosal, unha vez máis, Vero, parabéns campiona!

Deja una respuesta

Tu dirección de correo electrónico no será publicada.