Terras Gauda aposta polo Acanor Atl. Novás

trofeo-concello-do-rosal-acanor-novas-2016-87

O Acanor Atlético Novás que dirixe José Ramón Muñoz “Jota” inicia a Liga 2016/17 de Primeira Nacional este domingo 25 de setembro en Cangas, na pista do Luceros (O Gatañal, 12:30 horas). Segundo se afirma dende o equipo rosaleiro, este será “un ano cargado de ilusión, de ambición, de caras novas e o mesmo espíritu”.

acanor-novas-b-saeplast-caniza-1

Pola súa banda, o Acanor Novás “B” de Jimy Fernández, “vixente subcampeón da Copa Federación, comeza esta fin de semana a competición oficial despois das boas sensacións deixadas na pretempada. Emparexado no grupo III xunto ao filial do Seis Do Nadal, ao Balonmano Pontedeume e Carnes Do Ribeiro, comezará fronte a este último (O Rosal, sábado 17:00 horas), o asalto á Copa. A competición xogarase a unha volta e a fase final será no mes de maio”.

acanor-novas-terras-gauda

Igualmente, o club rosaleiro que preside Andrés Senra, “vén de chegar a un acordo de colaboración con Terras Gauda para as próximas catro tempadas”, pasando a ser “unha das empresas colaboradoras máis importantes da nosa entidade”. “A firma protocolaria que vincula a ambas partes para as campañas 16/17, 17/18, 18/19 e 19/20 produciuse esta mañá na sede da adega. Os representantes do Acanor Atlético Novás transmitiron en nome de toda a directiva o agradecemento pola forte aposta e agardan poder devolver con éxitos e traballo a confianza depositada”.

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies