Segundo anuncia hoxe o xornal Faro de Vigo: “El gobierno local de Ponteareas ha nombrado a Xoán Martínez Tamuxe, historiador, arqueólogo e investigador como pregonero del Corpus Christi 2017″.

O periódico decano da prensa española vén de publicar, tanto na súa edición impresa como na dixital, que o escritor rosaleiro “será el pregonero de la fiesta del Corpus de Ponteareas”. En 1980 foi declarada Festa de Interese Turístico Nacional, e en 2009 recibiu o recoñecemento de Festa de Interese Turístico Internacional.

Xoán Martínez Tamuxe, seudónimo de Juan Bautista Martínez González, naceu en O Rosal en 1930. Foi correspondente e colaborador dos xornais El Pueblo Gallego, La Hoja del Lunes, La Voz de Galicia, Faro de Vigo, A Peneira, etc., así como correspondente de Radio Popular de Vigo en Baiona.

En 1973 gaña o Premio Literario I Certame Xornalístico da Cidade de TuiColaborador así mesmo das revistas do Museo de Pontevedra, Museo e Arquivo Histórico Diocesano de Tui, Pontevedra Arqueolóxica, Pregón e Soberosum de Ponteareas, etc. 

En 1996 a Agrupación Cultural Guardesa dedicoulle o Día das Letras Galegas en homenaxe a súa prolífica traxectoria histórico-literaria no Baixo Miño.

Exerceu como profesor en colexios e academias de Ponteareas, A Guarda e Baiona. Cofundador do Equipo Arqueolóxico do Baixo Miño (1968), do Museo e Arquivo Histórico Diocesano de Tui (1974), da Biblioteca, Museo Etnográfico e Boletín Histórico Cultural do Concello do Rosal, así como do Instituto de Estudios de A Paradanta y Condado do Tea (2003).

Xoán Martínez Tamuxe é membro do Instituto Padre Sarmiento (Sección de Arqueoloxía) de Santiago de Compostela (1979), da Asociación Colegial de Escritores de España (1982), Grupo de Arqueoloxía Alfredo García Alén de Pontevedra (1983) e membro colaborador do Departamento de Prehistoria da Universidade de Santiago (1984).

O escritor e investigador da vila, que é autor de máis dunha vintena de libros e centos de artigos histórico-literarios, foi homenaxeado en 2015 polo Concello do Rosal coa insignia da vila e cunha praca de recoñecemento que rezaba “A D. Xoán Martínez Tamuxe en recoñecemento pola súa labor histórica e de investigación da cultura rosaleira“.

Tamuxe lerá o pregón das internacionais Festas do Corpus o vindeiro sábado 10 de xuño no Auditorio Municipal Reveriano Soutullo de Ponteareas.

Deja una respuesta

Tu dirección de correo electrónico no será publicada.