A felicidade reinou no SonRías Baixas 2016

????????????????????????????????????????????????????????????????????????

Segundo o Departamento de Prensa do Festival SonRías Baixas 2016, esta XIV edición foi a máis multitudinaria e exitosa da súa historia, con 16.500 asistentes. O impacto económico na zona durante os seus tres días de celebración está cifrado en 1.200.000 euros.

SonRías Baixas Figura

Velaquí vos deixamos a reportaxe do enviado especial de Noticias O Rosal, o intrépido e dicharachero fotógrafo Óscar Rodríguez Castro, noso querido “Figura”. Aproveitamos tamén para agradecer o exquisito trato recibido da Organización do SonRías. ¡Noraboa e a por moitos anos máis!

????????????????????????????????????

Certamente, a boa música e a felicidade reinaron para os rosaleiros/as e baixomiñotos/as (algúns na imaxe sobre estas liñas), así como para os demais asistentes ao Festival pois “os pasados 4, 5 e 6 de agosto, o SonRías Baixas conquistou na súa XIV edición a 16.500 persoas que se achegaron ata Bueu para gozar da música, gastronomía e audiovisual programados polo Festival e oferta de ocio que ofrece a contorna. Tras superar en 4.500 persoas ás asistentes na última edición -cifradas en 12.000- , o SonRías marca un récord histórico nos seus catorce anos de vida pasando tamén á cifra de asistencia do 2011, a máis alta ata o momento con 15.000 festivaleiras e festivaleiros”.

????????????????????????????????????

A Festa de Benvida iniciou o xoves os tres días de intensa troula e actividade con 2.500 persoas, que se achegaron ata o Multiusos A Estacada de Bueu para gozar da música da banda tributo a Ska-P Gato López e tamén dalgún dos membros da formación dos de Vallecas, como ‘Txikitin’.

????????????????????????????????????

Na noite do venres, os concertos de La Gran Pegatina, Lendakaris Muertos e Heredeiros da Crus foron os máis aclamados polos integrantes dun público de 6.500 persoas entregadas por completo dende o inicio ata a actuación final, a da banda revelación deste ano, La Sra. Tomasa. A venda de abonos marcou un éxito sen precedentes chegando a esgotarse por completo durante este segundo día de Festival e facendo, por conseguinte, que a zona de acampada chegase ao 100% de ocupación.

????????????????????????????????????

Para despedir o SonRías Baixas 7.500 personas se reuniron no recinto na última xornada, a do sábado. Un milleiro de persoas se achegaron ata a ‘Casa SonRías’ para degustar os pratos que os nosos RockChefs lles prepararon a ritmo de Poetarras e Gold&Colt e, nos concertos da noite, La Vela Puerca foi unha das bandas que máis conseguiu emocionar aos asistentes.

????????????????????????????????????

Impacto económico na zona

Dende a organización afírmase, así mesmo que o Festival SonRías Baixas 2016 supuxo para Bueu unha inxección económica de 1.200.000 euros, chegándose ao pleno de ocupación hoteleira en toda a comarca e a bares e restaurantes da zona sen existencias.

Coa finalidade de que a actividade do Festival repercutise o máximo posible na zona, dende a organización afirman que sempre intentaron priorizar na búsqueda de profesionais e empresas proveedoras a nivel local. Así, nesta edición, contratáronse os servizos de 110 proveedores e máis de 300 persoas traballan durante a celebración do evento, a maior parte, xente da comarca.

????????????????????????????????????

“De Festivaleiros para Festivaleiros”

O XIV Festival SonRías Baixas foi posible grazas ao tesón da Asociación Troula na Banda, ao apoio do Concello de Bueu, da Deputación de Pontevedra e da AGADIC, á axuda do Hotel Incamar, de Gadis, de Amstel, de Coca-Cola, de Merc, da empresa de xestión cultural PlayPlan, produtora do evento, e de Rei Zentolo, responsable da campaña gráfica. Dende Troula na Banda saliéntase tamén o papel determinante do público, que refrendou coma nunca a “Experiencia SonRías” coa súa fidelidade.

????????????????????????????????????

O dito, aquí vai a reportaxe fotográfica de Noticias O Rosal, da autoría do noso enviado especial, Óscar Rodríguez. 

« 1 de 14 »

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies