Programa das Festas da Pilarica e Cabaqueiro

festa-do-cabaqueiro-2016

Un ano máis, o Concello do Rosal homenaxea aos mestres telleiros do Baixo Miño e, en xeral, a un oficio case desaparecido, que se mantén con demostracións esporádicas por feiras artesanais de Galicia e como non, coa Festa do Cabaqueiro, xa na súa XXIX edición.

Tal e como reza o cartel anunciador, o martes 11 de outubro, a partir das 17:00 horas, celebraranse diferentes Obradoiros para nenos e nenas, entre os cales, por suposto, os “cachizas” aprenderán na Praza do Calvario a “taxicar cabacas e toupos a joucha”.

orquesta-marimba

A partir das 22:00 horas, actuación do grupo folk “Tanto nos Ten” no Auditorio Municipal do Rosal. O baile coa orquestra Marimba, do cantante rosaleiro José Pérez queda suspendido por previsión de choiva.

Xa o “día grande”, o mércores 12 de outubro, misa solemne na honra da Pilarica, cantada polo Coro Ecos do Folón. De tarde, e a partir das 17:30 horas, terá lugar a XXIX Festa de Lembranza “Os Cabaqueiros”, que comezará coa lectura do pregón a cargo de Serafín Dorado Núñez, “docente e nado en Novás”.

festa-do-cabaqueiro-o-rosal

Unha vez remate a demostración dos cabaqueiros, sobre as 19:00 horas, no Auditorio Municipal, actuacións dos alumnos da Escola de Baile de “Jose & Rosy”. A continuación, concerto da Banda da Agrupación Musical do Rosal, tamén no Auditorio.

A Praza do Calvario acollerá, ademais do oficio de cabaqueiro, demostracións de tear, cesteiro, zoqueiro, canteiro e obrador artesanal de produtos con mirabel.

festasdopilarecabaqueiros

Como todos os anos, haberá mostra, desta vez de debuxos e pinturas do colectivo de alumnos/as do Rosal, que será inaugurada o sábado 8 de outubro ás 12 da mañá no Salón de Exposicións municipal.

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies