Este martes 30 de xuño tivo lugar na Praza do Calvario a presentación da XXVIII edición da Feira do Viño do Rosal 2020, declarada Festa de Interese Turístico.

Cunha calor propia xa desta estación do verán, a alcaldesa da vila, Ánxela Fernández Callís e o presidente da Asociación de Adegueiros do Rosal, Enrique Costas, ofreceron -baixo o agradecido acubillo da sombra dunha árbore- unha pequena rolda de prensa para os diferentes medios xornalísticos que ata alí nos achegamos para cubrir o evento.

Velaquí vos deixamos as súas declaracións íntegras, que podedes escoitar en RADIOROSAL e onde se lembra que a Feira “reinventouse e readaptouse rapidamente ás novas circunstancias para poder ofrecer unha nova edición participativa, alternativa e singular os vindeiros días 17, 18 e 19 de xullo“. 

Deja una respuesta

Tu dirección de correo electrónico no será publicada.