Presentación do libro ‘Cancioneiro Tabernario’

O vindeiro sábado día 16 de decembro (22:30 horas) terá lugar no Bodegón “Os Seixiños” (A Gándara-A Guarda), local do rosaleiro Sergio Rodríguez “Trinta”, a presentación do libro Cancioneiro Tabernario.

Trátase dunha compilación con máis de cento vinte pezas de temas populares para cantar, “moitos deles coñecidos por ser interpretados por grandes grupos e solistas da música galega, e outros moitos que se transmiten oralmente na bisbarra e arredores por músicos tanto profesionais como afeccionados”.

Segundo nos afirman dende a Organización “o libro busca ser o máis práctico posible na súa consulta e manexo, tanto para transformarse nun manual de supervivencia en seráns, furanchos e foliadas como para o seu estudo polo lector cobizoso do saber da cultura musical e da tradición popular galega”.

A presentación deste cancioneiro verase acompañada no Bodegón Os Seixiños, como non podía ser doutro xeito, por actuacións de grupos vocais, gaiteir@s, pandereteir@s,… e ao remate foliada cantareira, aberta para todo aquel que desexe participar.

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies