Pías (O Rosal) celebra o XII Torneo da Cachiza
A Alameda de Pías (San Miguel de Tabagón – O Rosal) acollerá o vindeiro sábado 3 de marzo (15:30 horas) a XII edición do xa clásico Torneo da Cachiza San Gregorio 2018.
Tal e como reza o cartel, o prezo de inscrición por parella é de 10 €, con agasallo de camiseta. Podes apuntarte ao campionato así como ao xantar (12 €) no teléfono 606 837 304 (Sergio).
A Festa estará amenizada polo grupo “Coro Fuscalheiro” e ao rematar o Torneo da Cachiza terá lugar a entrega de premios e a actuación da banda tudense MICALIP’S.
