O rosaleiro Jonathan Correa, Campión Galego de Xavelina
📸 R.C. Celta // Karolina Puchmertlova
O deportista rosaleiro Jonathan Correa Prado (Real Club Celta de Atletismo) vén de proclamarse esta fin de semana en A Coruña, Campión Galego Absoluto de Xavelina cun lanzamento de 59.39 metros, que é tamén a súa mellor marca persoal.
Jonathan, avantaxado pupilo do noso biolímpico David Gómez, naceu en O Rosal o 11 de xullo de 1992. Segundo nos lembraba hai pouco o mítico adestrador e mestre Félix Piñel aínda que lanza tamén disco e peso “a especialidade de Jonathan é, sén dúbida, o lanzamento de xavelina”.
¡Dende Noticias O Rosal, a nosa sincera noraboa para Jonathan e tamén para David. Oxalá veñan moitos máis desafíos e, por suposto, éxitos. Ánimo e moita sorte, cracks! #ORosalcalidade