O Rosal decide o campión da Copa Federación

A S.D Atlético Novás organizará esta fin de semana a fase final da Copa Federación de Primeira Autonómica Masculina (22-23 de abril). A competición foi presentada en O Rosal de xeito oficial despois de que a Federación Galega de Balonmán concedera hai uns días a organización deste torneo á entidade da vila.

O Pavillón Municipal de O Rosal será o escenario da fase final da Copa Federación de Primeira Autonómica Masculina. Narón, Seis do Nadal, Culleredo e Acanor Atl. Novás ‘B’ -como anfitrión- pelexarán os días 22 e 23 de abril por facerse co trofeo de campión.

A competición ten fixadas para a tarde do sábado as dúas semifinais – Bm. Narón-Seis do Nadal (18:30 h) e Acanor Novás B-Bm. Culleredo (20:30 h)– e para a mañá do domingo os partidos que definirán o terceiro e cuarto posto (10:30 h) e a final (12:30 horas).

Unha vez rematada a liga regular e despois do parón debido as festividades da Semana Santa, o equipo que adestra Jimy Fernández centrarase na preparación deste torneo no que aspira a facer un bo papel diante da súa afección.

Para a mañá do domingo, a entidade rosaleira que preside Andrés Senra, ten varias actividades preparadas: a primeira, para os máis pequenos, xa que se colocarán inchables e a segunda gastronómica: un pulpeiro que estará toda a mañá.

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies