O Rosal celebra o seu “I Trail Muíños do Folón”

O Rosal acollerá este domingo 4 de marzo (10:00 horas) a primeira edición do Trail Adventure Muíños do Folón, unha fermosa proba deportiva polo noso Ben de Interese Cultural, con saída e chegada na Praza do Calvario, que consta de tres modalidades: Andaina: 10 km / Adventure: 12 km / Advance: 21 km.

Organizado por Qualité Sport Events e o Concello do Rosal, o Trail dos Muíños xa ten confirmada a participación de máis de 400 competidores nas carreiras e máis de 100 na Andaina. Polo tanto, un número superior ao medio milleiro de participantes, que a bo seguro se incrementará cos correspondentes acompañantes que se acheguen ata a vila rosaleira.

Dende a Organización destácase “o éxito de inscritos para este Trail inaugural, onde queremos ante todo calidade para este evento tan especial. Hai moitas persoas involucradas para que a proba saia ben. Ademais para nós prima a seguridade, con Protección Civil, voluntarios e colaboradores que estarán dispersos por todo o percorrido”. Outro punto moi importante e no que se incide claramente será “o respecto ao medio no que se realiza a proba e manter limpo o entorno da mesma”.

A entrega de dorsais -para as tres probas- terá lugar nos baixos da Sociedade Liga de Amigos de O Rosal, na Praza do Calvario, o sábado de 17:00 a 20:00 horas e o domingo xusto antes do comezo da proba, de 9:00 a 10:15 horas. Haberá servizo de gardarroupas e duchas, no Pavillón Municipal.

Máis información do evento, en www.traildofolon.com 

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies