O ‘Mundial’ de Futbolín celébrase en O Rosal

De sobra é ben coñecido que en O Rosal e no Baixo Miño hai auténtica “febre” e paixón polo futbolín.

O Bar Troya (Marzán), “A Catedral” deste xogo tradicional (algúns din que é un verdadeiro deporte) volve a sorprender a propios e estranos co anuncio da celebración do “Mundial” de Futbolín, este venres 15 de xuño, coincidindo co Campionato de Rusia 2018.

En declaracións a Noticias O Rosal, a súa nova xerente, Mª Jesús Rodríguez Rodríguez “Susa”, cóntanos que a idea xurdiu dos seus propios clientes e amig@s que “me pedían un novo torneo de futbolín para pasalo ben todos xunt@s. Ademais teremos premios para os mellores equipos”.

Precisamente xa se pode admirar dende hoxe, no Bar Troya, unha curiosa réplica da Copa do Mundo que levantará o equipo que gañe este venres. Susa lémbranos que “quen queira xogar debe apuntarse individual e gratuitamente no local ata o venres ou ata completar as prazas, que son máximo, 32. Os equipos elíxense por sorteo, para que todo sexa máis compensado (aínda que -recoñece- ás veces hai sorpresas). Hoxe abrimos as inscricións e xa se apuntaron 8 persoas (4 xogadores e 4 xogadoras). O importante, ante todo, é que a xente disfrute”.

O Mundial de Futbolín, organizado e retransmitido por Homeclaro TV, comezará pois, o venres ás 22:00 horas, xusto despois de finalizar o partido de fútbol Portugal-España.

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies