O ‘Futbolín World Cup’, este venres 27 no Troya

Tras o éxito do último “Mundial de Futbolín” celebrado en xuño, o renovado Bar Troya (Marzán-O Rosal) acolle este venres 27 de xullo (22:00 horas) un novo campionato entre os seus clientes e amig@s.

Segundo nos comenta a súa xerente, Mª Jesús Rodríguez Rodríguez ‘Susa’, a idea é facer durante este 2018 “un torneo de futbolín diferente cada mes, sempre gratuíto e para tod@s, mozos e mozas”. 

Este será o terceiro campionato, lembrando Susa que “igual que as outras veces, quen queira xogar debe apuntarse individualmente no Troya ata o venres ou ata completar as prazas, que son máximo, 32″.

“Esta fórmula de sorteo de equipos -confesa Susa- está cuaxando de marabilla entre a xuventude e os non tan novos, xa que os que non saben xogar moi ben teñen tamén posibilidades de gañar se lle toca de compañeiro un vella gloria” (risas). 

A xerente do Bar Troya adiántanos que haberá sorpresas e premios para os tres primeiros equipos clasificados e que nos vindeiros meses celebraranse -entre outros eventos- unha “Champions de Futbolín”.

O campionato deste venres, organizado por Homeclaro TV e denominado “Futbolín World Cup” é a revancha do Mundial do pasado mes de xuño que tivo como gañador a Brasil (Fran Domínguez e Sergio Rodríguez).

Así que, se te queres apuntar, aínda estás a tempo ata este venres 27 de xullo ás 22:00 horas (presencialmente no Bar Troya e por WhatsApp no teléfono 684 031 809).

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies