????????????????????????????????????

Novo descubrimento para os Muíños do Folón

O noso conxunto histórico-etnográfico dos Muíños do Folón e do Picón (O Rosal-Pontevedra), que é visitado anualmente por miles de persoas, volveu ser protagonista o pasado venres 17 de novembro na Escola Superior Gallaecia de Vila Nova de Cerveira (Portugal).

Os autores do libro Os muíños do Folón e do Picón na vila do Rosal (Ed. Deputación de Pontevedra, 2009), Xoán Martínez Tamuxe e Juan Ramón Martínez Barbosa, foron convidados -por segundo ano  consecutivo- pola institución lusa para impartir unha charla sobre o tema e ser entrevistados polos alumnos/as de Arquitectura, xa que segundo a ESG “se adentran ahora en la fase de análisis del lugar y desarrollo del proyecto. Este consiste en crear un Espacio Arquitectónico delimitado que tenga que articularse con el contexto existente de forma a potenciar el potencial del lugar y minimizar las fragilidades del mismo”.

Nesta ponencia, que estivo moderada polo mestre Dr. Gilberto Carlos, os investigadores rosaleiros lembraron que o Folón-Picón o forman 67 enxeños hidráulicos dos séculos XVII-XVIII, que están considerados Ben de Interese Cultural dende 1998 e que, tras o “VIII Congreso Internacional de Molinología. Innovación y Ciencia en el Patrimonio Etnográfico” de 2012, os expertos mundiais califican o noso conxunto de “único” no planeta.

Pero iso si, como novidade, Tamuxe e Juan Ramón veñen de ofrecer nesta charla-conferencia de Portugal unha noticia “exclusiva”. Esta non é outra que a do descubrimento, tras unha longa investigación, dun singular e antigo documento onde se di que xa no río Folón, no século XVI -en concreto en 1571- existiron (na ubicación de hoxe en día) cando menos 2 muíños de particulares, pertencentes á nobreza e que eran veciños da Guarda.

Cónstanos dende Noticias O Rosal que se está preparando a 2ª edición do libro dos Muíños do Folón, onde se incorporarán esta e outras curiosas novas sobre o noso gran reclamo cultural e turístico (entre elas, a ampliación da delimitación dos Muíños como lugar de valor etnolóxico, como se pode ler no Boletín Oficial do Estado).

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies