Nico López Rey firma polo Acanor Atl. Novás

Nicolás López Rey Novás

Fíxose público a través das redes sociais: “O Acanor Novás e Nico López Rey chegan a un acordo”.

Segundo se comunica dende a institución deportiva que preside Andrés Senra, “no día de hoxe, a directiva do club rosaleiro pechou a incorporación do central internacional (Madrid, 1994), que chega procedente do Balonmano Guadalajara, club que rematou na duodécima posición da liga Bauhauss ASOBAL e na que Nico sumou 57 tantos.

O xove xogador hispano-arxentino, que se formou no Balonmano Alcobendas, un habitual da selección madrileña (na que coincidiu con Charli Rodríguez), uniuse no verán do 2014 ao Balonmano Guadalajara. Ademais foi internacional en categoría xuvenil e promesas e recibiu tamén a chamada do seleccionador arxentino, non sendo posible a convocatoria por problemas de visado.

Charli Rodríguez Novás O Rosal
Charli Rodríguez. (Foto: Noticias O Rosal)

Trátase dun xogador con moitísima proxección, que segundo o que será o seu novo adestrador (José Ramón Muñoz “Jota”) aportará “verticalidade, velocidade, ritmo e orde, ademais de dirección e gol. Ten boa visión de xogo e capacidade defensiva para defender con disuasións e anticipación. Daranos unha subida rápida de balón, con bo chut entre liñas e xogo co pivote”.

Para o flamante fichaxe, pasar da primeira á terceira categoría do balonmán nacional “non é un paso atrás na miña carreira, xa que é un proxecto do que teño moi boas referencias e que persoalmente me ilusiona. Ademáis poderei compatibilizalo cos meus estudos, algo que me botaba para atrás sobre a opción de xogar no estranxeiro. Estou moi contento con este reto e quero devolver o cariño e a confianza depositada en min, e dende xa con moitas ganas de comezar”.

O club amosou o seu entusiasmo coa incorporación, agradecendo a aposta de Nico, que contaba con ofertas de categoría superior e que fará un gran esforzo económico por vestir a camiseta do Acanor Novás.

Con estas son tres as incorporacións de cara a tempada 2016/2017, para a que se ultima unha máis coa que se daría por pechada a plantilla, tan só dependendo da decisión que tome o gardarredes David Alvarez Durán. 

‪#‎BenvidoNico‬”

1 thought on “Nico López Rey firma polo Acanor Atl. Novás

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies