Manu e Rober levan en voandas ao Atl. Novás

Duro rival, sen dúbida, o Saeplast Cañiza, que lle puxo moi difíciles as cousas ao Acanor Atlético Novás en O Rosal, aínda que a vitoria foi para o equipo local por un marcador final de 22 a 19 goles (12-10 ao descanso).

O capitán do Novás, Manu Martínez, autor de 8 goles e a formidable actuación do cancerbeiro Roberto Calvo “Rober”, xunto coa aportación anotadora de Germán Hermida (5 goles) e a condución do xogo por parte do central César Armán (2 goles) foron vitais para impoñerse ao conxunto cañicense.

Destacar deste partido o debut na Primeira Nacional do xuvenil do Novás, Manu Dorna e a presenza do rosaleiro Esteban Martínez Vicente xogando nas filas do Saeplast Cañiza.

Tras este novo triunfo os homes de Ismael Martínez seguen no 5º posto da clasificación, sendo o segundo equipo menos goleado tras o líder Calvo Xiria, que vén de ceder un empate fronte ao Luceros (25-25).


O sábado 4 de marzo (20:30 horas) o Acanor Atlético Novás xogará na casa do Granitos Ibéricos en partido correspondente á xornada 22, intentando arañar uns puntiños para afrontar o final de Liga o mellor situado posible no grupo A da Primeira Nacional.

Velaquí vos deixamos a reportaxe do fotógrafo e colaborador de Noticias O Rosal, Óscar Rodríguez, así como as demais imaxes deste encontro: 

« 1 de 5 »

 

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies