Gabriel Marcelli. Foto Ulster Trials
Foto: Ulster Trials / Marcelli

Gabriel Marcelli afrontará os días 3 e 4 de setembro en Pietro Mussolino (Vicenza-Italia) a última proba do Campionato do Mundo de Trial 2 deste ano 2016.

O piloto do Rosal e o seu mochileiro, Casimiro García, xa se atopan en Barcelona, onde se unirán ao resto do equipo SPEA RFME, para dende alí viaxar a terras italianas, nunha xornada dobre onde se darán cita as categorías masculinas e femininas.

Gabriel Marcelli clasificación mundial trial

A falta desta derradeira competición, Gabriel Marcelli atópase na posición 13º do Mundo, dun total de 33 participantes, tras conseguir puntuar nos Gran Premios de España, Francia, Bélxica e Gran Bretaña.

¡Dende Noticias O Rosal, a nosa noraboa Gabri por esta primeira experiencia cos mellores trialeiros do planeta e moita sorte por Italia!

Deja una respuesta

Tu dirección de correo electrónico no será publicada.