Escápate con ACOR á Feira do Viño do Rosal

Fotos Juan Ramón O Rosal (13)

A Asociación de Comerciantes e Industriais do Rosal (ACOR) vén de presentar o pasado xoves 7 de xullo, na Cámara de Comercio de Tui, unha atractiva oferta turística para levar a cabo durante a XXIV Feira do Viño do Rosal (15, 16 e 17 de xullo).

ACOR. Presentación O Rosal un paraíso natural por descubrir Cámara Comercio de Tui (3)

Deu a benvida a este acto, o presidente da Cámara, Gumersindo Alonso Gestoso (na imaxe, sobre estas liñas), quen confesou, aproveitando a ocasión, a súa admiración polas fermosas paisaxes e paraxes do Rosal.

ACOR. Presentación O Rosal un paraíso natural por descubrir Cámara Comercio de Tui (10)

Coa presenza da tenente de alcalde rosaleira, Mª Carmen Alonso, procedeuse á presentación desta iniciativa de ACOR, encargándose de explicala o seu secretario Arán Feijóo Covelo e o seu presidente, Pablo Álvarez Alonso.

ACOR. Presentación O Rosal un paraíso natural por descubrir Cámara Comercio de Tui (9)

Segundo comentaron “por tan só 132 €/persoa, quen desexe pode escaparse á Feira do Viño do Rosal os días 15, 16 e 17 de xullo. Os nenos e nenas menores de 11 anos, GRATIS“.

ACOR. Presentación O Rosal un paraíso natural por descubrir Cámara Comercio de Tui (5)
Pablo Álvarez (presidente) e Arán Feijóo (secretario), de ACOR

Este “pack” turístico, segundo indicaron, inclúe:
Aloxamento de 2 noites (venres e sábado) e almorzo.
– O sábado 16, ruta guiada polos Muíños do Folón e do Picón con comida na Casa da Pintora.
– Sábado tarde-noite, XXIV Feira do Viño do Rosal.
– O domingo, visita guiada a unha adega. Enoturismo.
– Desprazamentos en autobús.
 

O Rosal un paraíso natural por descubrir ACOR Juan Ramón

Complementando esta oferta turística, ACOR tamén presentou na Cámara de Comercio de Tui a publicación, en forma de tríptico, O Rosal. Un paraíso natural por descubrir, da autoría de Juan Ramón Martínez Barbosa, escritor e director de Noticias O Rosal, que ensalza as marabillas da nosa vila, coñecida -pola súa gran beleza- como o “Xardín do Baixo Miño”.

Se queres facer a reserva da “Escapada” ou saber máis desta iniciativa da Asociación de Comerciantes e Industriais do Rosal podes informarte no número 986 133 699.  

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies