Don Javier Díaz XXI de O Rosal

Javi Díaz saltando á pista (📸 BeRa Fotografía)

O Club Balonmán Cangas Frigoríficos do Morrazo vén de confirmar hai escasos intres a renovación de Javi Díaz, porteiro de O Rosal, por unha tempada.

O noso eterno e incombustible cancerbeiro de Fornelos, seguirá, polo tanto, un ano máis (e xa van tres) defendendo as cores do Frigoríficos na ASOBAL.

Destacan dende o club “a ledicia que produce poder dicir que don Javier Díaz (O Rosal, 1975) seguirá unha tempada máis con nós protexendo as porterías de O Gatañal”.

Lembran ademais que Javi “debutou na Liga Asobal alá polo ano 1993, agora, 27 anos e máis de 500 partidos despois, sumará a súa 21ª tempada na máxima categoría do balonmán nacional, a terceira vestindo a camiseta do Frigoríficos e sendo un dos referentes dentro e fóra do parqué”.

Javi, ante un “7 metros” (📸 Frigoríficos Cangas)

O gardameta rosaleiro, segundo se pode ler na web do Cangas, recoñece que xa tiña decidido colgar as zapatillas “pero coa finalización da tempada sen xogar polo virus non era a mellor forma de retirarse” e aínda di sentirse “ben fisicamente e con ilusión por afrontar unha nova campaña”.

¡Dende Noticias O Rosal, a nosa sincera noraboa e moita sorte, Javi!

Tes a información completa, aquí.

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies