Comeza a “Era Ismael” no Acanor Atl. Novás

ismael-martinez-acanor-atletico-novas-web

O Acanor Atlético Novás anunciaba hai uns días a través dun comunicado que o elixido para suplir a José Ramón Muñoz ‘Jota’ como adestrador do primeiro equipo é “Ismael Martínez (Cangas, 1983), preparador dos equipos xuvenil e cadete do Club Balonmano Porriño, así coma coordinador de todas as categorías base e man dereita de Abel Estévez no equipo de DHF do Godoy Maceiras“.

clasificacion-acanor-novas

Segundo se afirma dende a entidade rosaleira “é unha nova aposta pola xuventude por parte do Acanor Atlético Novás, que ve en Isma a persoa ideal para guiar este proxecto. A súa fame, coñecemento sobre o plantel e sobre a liga, e ser un estudoso do balonmán foron os principais motivos para decantarse polo ex xogador do Cangas (ASOBAL), que se amosou ilusionado e con gañas de afrontar este desafío. Ás súas funcións no club da cidade do Louro uníronse durante varios anos as de seleccionador das categorías base galegas”.

novas-web

Tras gañar a fin de semana pasada na pista do Teucro B (17-31) guiados polo “adestrador accidental” Jimy Fernández, o Acanor Atl. Novás (3º) volve a xogar en O Rosal este sábado 10 de decembro, ás 19:00 horas, fronte ao Rodosa Chapela (4º) no “gran clásico de Primeira Nacional”.

¡Dende Noticias O Rosal moita sorte, xa que será o debut oficial de Ismael Martínez diante da súa afección, como técnico do Acanor Novás!

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies