Visita e charla de Ángel Carracedo en O Rosal

Ángel Carracedo. (Foto: Miguel Muñiz / ABC)

VISITA DE D. ÁNGEL CARRACEDO AO CPI MANUEL SUÁREZ MARQUIER

Informa: CPI Manuel Suárez Marquier

A comezos deste curso, refórmase no CPI do Rosal -que dirixe Xosé Tomás Díaz– unha antiga cociña anexa á biblioteca. A intención é mellorar as súas funcións como cociña, e ampliar as súas posibilidades como laboratorio.

O Concello de O Rosal asume os gastos de reforma, así como a man de obra dos seus traballadores, e durante o mes de xullo de 2017 realízase a transformación. Inicialmente vén cubrir a necesidade de contar, en Primaria, cun espazo de experimentación no ámbito científico, e así comeza a súa andadura.

Posteriormente, e dada a súa ubicación estratéxica, abre as súas portas a outro tipo de iniciativas, como son os obradoiros científicos de alumnado a alumnado, no marco da programación da Biblioteca Escolar (en concreto co programa de voluntariado). É, pois, como calquera outra dependencia do centro, un espazo aberto á colaboración entre Primaria e Secundaria, e a iniciativas pedagóxicas que non se limiten a etapas ou niveis.

Este martes 16 de xaneiro contaremos coa presenza de D. Ángel M.ª Carracedo Álvarez, catedrático de Medicina Legal, investigador e experto internacional en xenética, para realizar a inauguración do laboratorio, que, a partir dese día, levará o seu nome.

Aproveitando a súa visita, celebraremos un acto dobre, e os organizadores oficiais son o CPI, o Concello de O Rosal e a ANPA do CPI : 

-Ás 17:00 horas: breve acto de inauguración do laboratorio. Un grupo de rapaces e rapazas (que estarán traballando nun experimento), así como representantes da administración educativa (asistirán o Xefe Territorial, D. César Pérez Ares, e o noso inspector, D. Carlos Acuña), do Concello, e da ANPA do centro.

– Ás 18:00 horas o evento terá lugar no Auditorio Municipal de O Rosal . O público, desta volta, sería amplo e diverso: familias, nenos e nenas, docentes do noso propio Centro Público Integrado “Manuel Suárez Marquier” e doutros cercanos. Será aberto a todo o público en xeral.

Contará con catro partes:
1. Breves palabras oficiais.
2. Breve documento audiovisual sobre a figura de Ángel Carracedo.
3. Intervención de Ángel Carracedo.
4. Coloquio-entrevista: unha alumna de 4º EP, outra de 6º EP, e unha terceira de 4º ESO, xunto cun pai do Consello Escolar, formarán un grupiño de entrevistadores.

Unha profesora será a moderadora desta parte. As catro persoas realizarán preguntas por quendas, nun formato dialogado. Acordamos con Ángel Carracedo que os principais focos de interese da súa intervención, e da parte de coloquio, serán dous, baseados na súa experiencia: por unha banda, a súa traxectoria profesional (cuestións sobre investigación, sobre a súa faceta profesional, así como a evolución persoal ata converterse nun científico de elite); por outra, a súa visión do sistema educativo, que en reiteradas ocasións ten expresado en medios de comunicación e diferentes eventos públicos.

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies