O Atl. Novás vence en O Rosal e viaxa á Coruña

O Acanor Atlético Novás venceu esta fin de semana ao Vilatrade BM Lavadores en O Rosal por un estreito marcador de 27 a 26 goles. Os homes de Isma Martínez comezaron algo “durmidos” o choque, pois aos 15 minutos de partido mandaban os visitantes por 4 a 9.

Iago Flores, máximo goleador do Acanor Novás con 99 tantos.

Recuperouse o Novás para chegar ao descanso cun marcador de 13 a 12 a favor dos seus intereses. E outro tanto sucedeu na segunda mitade do encontro, xa que a falta de 10 minutos para a finalización o Lavadores tiña unha vantaxe de 3 tantos (20-23).

O “capi” Manu Martínez (24) e Dani Pintus (13)

A figura dos “pesos pesados” rosaleiros, comandados polo capitán Manu Martínez e o lateral zurdo Germán Hermida, emerxeron finalmente no último suspiro para darlle a volta ao partido.

Germán Hermida “voa” nunha das súas clásicas xogadas

Esta fin de semana, en concreto o sábado 1 de abril, o Acanor Atlético Novás (5º clasificado) viaxa ata A Coruña para enfrontarse ao OAR (6º clasificado).

Mentres hai vida hai esperanza e o Novás, aínda que non o ten doado (a falta de 5 partidos está a 4 puntos do 3º e a 5 do 2º clasificado), seguirá loitando por unha praza na Fase de Ascenso a División de Honra B.

Seufyann Sayad pousa co porteiro do Vilatrade Lavadores

Velaquí vos deixamos a nosa reportaxe fotográfica do Novás-Lavadores. 

« 1 de 5 »

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies