A Asociación de Comerciantes e Industriais do Rosal inaugura a súa sede na Cámara Agraria

Inauguración ACOR O Rosal 2016 (3)

O venres 10 de xuño inaugurouse a nova sede da Asociación de Comerciantes e Industriais do Rosal (ACOR), que estará situada, de aquí en diante, no primeiro piso do edificio da antiga Cámara Agraria da vila, xunto ao Xulgado de Paz.

Inauguración ACOR O Rosal 2016 (1)
Jesús María Fernández Portela, alcalde do Rosal, durante a súa intervención

Autoridades e directiva de ACOR, antes do acto inaugural, aproveitaron para visitar o Centro Etnográfico “Casa dos Oficios do Rosal” (sección do Cabaqueiro), que está na pranta baixa, quedando admirados da historia e singularidades do traballo dos nosos mestres telleiros.

Inauguración ACOR O Rosal 2016 (4)

Deu a benvida o alcalde do Rosal, Jesús Mª Fernández Portela, quen estivo acompañado pola tenente de alcalde, Mª Carmen Alonso. O recén elixido presidente da Asociación de Comerciantes e Industriais do Rosal (ACOR), Pablo Álvarez Alonso, agradeceu ao concello esta cesión de instalacións, facendo así mesmo, un chamamento á colaboración e ao “non esquecemento” tanto por parte da Cámara de Comercio de Tui (representada polo seu secretario, Javier Pérez Alves e o seu presidente, Gumersindo Alonso Gestoso) e da Confederación de Empresarios de Pontevedra, representada polo seu secretario xeral, Medardo Arias.

Inauguración ACOR O Rosal 2016 (2)
Pablo Álvarez Alonso, presidente de ACOR

Entre os asistentes a esta inauguración da nova sede de ACOR tamén estiveron a súa tesoureira Rocío Lomba Alfonso, a comerciante da vila, Victoria Fernández, así como o xuíz de Paz, Cástor Rodríguez González. 

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies