As irmás Andrea e Alba Dapena gañan na DHF

Fotos: Club Balonmano Porriño

As irmás rosaleiras Andrea e Alba Dapena, xogadoras de balonmán do Godoy Maceira Porriño, da División de Honor Feminina-Liga Loterías (máxima categoría do handball feminino nacional) veñen de conseguir co seu equipo a vitoria en Xixón o pasado sábado 25 de febreiro.

O resultado final (Mavi Gijón 22 – Godoy Maceira Porriño 25) serviu, segundo se pode ler na web do equipo porriñés, para “recuperar sensaciones ante un rival muy duro, tras una primera parte igualada, (12-11 al descanso)”. A clave foi o “aumento del ritmo defensivo y las rápidas transiciones, que sacó de ritmo al Mavi Gijón”.

Andrea conseguiu materializar 2 goles, por 1 tanto da súa irmá pequena, Alba. O seguinte partido para as deportistas rosaleiras será contra o BM Base Villaverde o vindeiro sábado 4 de marzo, ás 18:00 horas, no pavillón municipal do Porriño.

O Godoy Maceira Porriño atópase na actualidade na 6ª posición da táboa clasificatoria, empatado a puntos co 5º e a tan só tres do 4º clasificado, o Zuazo. Pola súa banda, o veciño Mecalia Atlético Guardés está no segundo posto a 2 puntos do líder, o potente Bera Bera.

¡Dende Noticias O Rosal, a nosa noraboa para Andrea e Alba!

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies