‘América’, cabeza de cartel nas Festas do Rosal

O recoñecido grupo vigués América será o cabeza de cartel das Festas do Pilar e do Cabaqueiro que terán lugar na céntrica Praza do Calvario (O Rosal) os días 11, 12 e 13 de outubro de 2018.

Precisamente será América a encargada de “inaugurar” o xoves 11 de outubro os tradicionais festexos rosaleiros cunha verbena por todo o alto.

Manuel “Trintiña” (D.E.P.) e Benito “Pinta”, ‘lasqueando’. (Foto: J.R.)

O venres 12, de mañá, misa solemne cantada pola Coral da Agrupación Musical do RosalPola tarde celebración da Festa en lembranza e homenaxe aos Cabaqueiros (con demostración de facer tellas e ladrillos en directo) e a continuación concerto da nosa Agrupación Musical do Rosal.

Agrupación Musical do Rosal. (Foto: Brais Martínez)

Xa o sábado 13, actuación do máis que simpático grupo De Vacas a partir das 21:30 horas.

Foto: De Vacas

A pregoeira destas Festas do Pilar e do Cabaqueiro 2018 será Alia Vázquez Martínez, historiadora natural de A Guarda, licenciada en Historia da Arte e Máster de Arqueoloxía e Ciencias da Antigüidade pola Universidade de Santiago de Compostela. 

Inauguración do Monumento ao Cabaqueiro en 1987. (Imaxe: Foto Verano)

Durante as Festas haberá tamén mostra de oficios artesanais: cesteiros, zoqueiro, canteiro… Ademais, exposición de manualidades e restauración a cargo de Mari Hernández García.

Máis información no teléfono 986 62 50 00 (Concello do Rosal).

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies