O Acanor Atl. Novás 2017/18 recupera a ilusión

 

O Acanor Atlético Novás de balonmán presentou o pasado sábado 15 de xullo, en plena XXV Feira do Viño do Rosal, a súa plantilla para a vindeira tempada 2017/18.

O Novás xogará na Primeira Nacional e terá de novo o firme obxectivo de -polo menos- disputar a Fase de Ascenso á División de Honra Prata, a segunda categoría do balonmán español tras a Liga Asobal.

A balconada do Concello resultou ser testemuña da presentación, un a un, dos xogadores que integrarán o conxunto rosaleiro. O speaker do evento, Juan Ramón O Rosal, foi o encargado de ir relatando as características técnicas do plantel, á vez que varios integrantes do equipo que non puideron asistir, deixaban mensaxes á afección mediante vídeos que eran reproducidos in situ nunha pantalla.

Destacar a renovación do adestrador Ismael Martínez, que esta vez comezará a tempada dende cero. O acompañará no apartado técnico, Jimy Fernández, ‘míster’ do filial, que será o seu segundo.

O Acanor Atlético Novás, que preside Andrés Senra, mantén o bloque do pasado ano e recupera a ilusión, acometendo catro fichaxes de nivel (os regresos de Paulo Dacosta e Nelson Espino, así como as incorporacións de David García Pichel e Iago Cuadrado).

Esta é, polo tanto, a plantilla do Acanor Atlético Novás que se presentou no Calvario para esta tempada 2017/18 e que buscará mellorar os rexistros da anterior campaña.

PORTEIROS
Kevin García (Cangas)
Roberto Calvo (O Rosal)

EXTREMO ESQUERDO
Paulo Dacosta (O Rosal)
Iago Alonso (A Guarda)
Dani Pintus (O Rosal)

EXTREMO DEREITO
Germán Hermida (Vigo)
Miguel Sío (Redondela)

LATERAL ESQUERDO
‘Charly’ Rodríguez (O Rosal)
Miguel Trigo (A Guarda)
Manu Martínez (O Rosal)

LATERAL DEREITO
‘Harris’ Rodríguez (O Rosal)
Nelson Espino (Gran Canaria)

CENTRAL
David García Pichel (Carballo)
César Armán (O Rosal)
Pablo Alonso (A Guarda)

PIVOTES
Iago Flores (O Rosal)
Iago Cuadrado (Vigo)

CORPO TÉCNICO
Adestrador: Ismael Martínez (Cangas)
Axudante: Jimy Fernández (O Rosal)
Fisioterapeuta: Altair Rodríguez (A Guarda)
Delegado: Manuel Fernández “Campelo” (O Rosal)

Podedes ver toda a galería fotográfica da Presentación aquí.

 

Deja un comentario

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies