Lun. Oct 3rd, 2022

Onte achegámonos, convidados pola dirección do centro, ata o CPI Manuel Suárez Marquier para cubrir a noticia da inauguración de tres innovadores espazos no colexio da vila: “un aula croma 360º, un aula estudo de gravación e unha horta”.

Xosé Tomas, director do CPI Manuel Suárez Marquier

O acto inaugural, tal e como se lembra dende o Concello, “tivo ao divulgador Jorge Mira como mestre de cerimonia e contou coa presenza da alcaldesa do Rosal e do Xefe Territorial de Educación de Pontevedra da Xunta”.

Ánxela Fernández Callís, alcaldesa de O Rosal durante a súa intervención

“Co catedrático de Física e divulgador científico Jorge Mira como mestre de cerimonia, o centro presentou a súa innovadora aula croma 360º, unha clase adaptada ao 100% que permitirá ao alumnado gravar e editar vídeos como ferramenta educativa. Ademais, o CPI conta tamén cun aula-estudo de gravación de música chamado ‘Asalto de mata’ e con ‘A despensa da Mata’, unha horta escolar.

Todos estes espazos foron creados a comezos deste curso, polo que ao longo dos últimos meses o alumnado xa realizou un importante número de producións, dinámicas de traballo e experiencias pedagóxicas nas novas instalacións, así como producións audiovisuais, gravacións musicais, experimentos botánicos ou cultivos.

O público participante foi recibido a ritmo de frauta en vivo, música que deu paso á presentación dos espazos e a un percorrido por todos eles ao que foron convidados representantes de toda a comunidade educativa, dende alumnado e familias ata ANPA, persoal docente e non docentes e membros do club de lectura e cine, entre outros”.

Damos fe do extraordinario traballo levado a cabo nos tres espazos e sobre todo da monumental sorpresa que levou Jorge Mira Pérez, Catedrático de Electromagnetismo da Facultade de Física da USC, xa que o CPI gardou ben o segredo e o “padriño” Jorge non esperaba que unha das aulas lle fora dedicada.

Un emocionado Jorge Mira, pousando para o noso obxectivo

Podedes ver a reportaxe completa no perfil de facebook de Noticias O Rosal.

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies