A rosaleira Ceci (Sárdoma), líder da 2ª División

Ceci Sárdoma O Rosal
A crack rosaleira, a pé de campo, vestindo as cores do seu novo equipo. (Fotos: Ceci/Sárdoma)

A extremo rosaleira, Cecilia Fernández Rodríguez, “Ceci”, despois de militar dende categorías inferiores en El Olivo e aínda conseguir o título coa primeira plantilla nas dúas últimas Ligas, vén de fichar esta tempada 2016/17 por outro equipo da Segunda División Nacional Feminina, o Sárdoma C.F.

Clasificación Sárdoma

Comezo “de película” para a futbolista do Rosal e as súas novas compañeiras, xa que tras o primeiro partido ligueiro, o conxunto adestrado por Marcos Canle Iglesias, sitúase no máis alto da clasificación. Nada máis e nada menos que 7 goles lle endosaron as xogadoras viguesas, este domingo 4 de setembro, ás coruñesas da SD Tordoia.

Sárdoma Ceci

Pero iso si, encontro especial e de “altos voos” será o que lles espera a Ceci & Cía este domingo 11 de setembro, na visita do Sárdoma a El Olivo. Non en van, será o regreso “a casa” de moitas ex-xogadoras olívicas, incluída polo tanto, a nosa crack.

Equipo Sárdoma

¡Dende Noticias O Rosal noraboa e moita sorte Ceci nesta nova andaina deportiva!

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies