Este venres 20 de xaneiro terá lugar na capela de Medas (Novás) a festividade na honra de San Sebastián.

Segundo nos veñen de comunicar, o abade párroco de Santa Mariña, Julio Ramos Rodríguez, oficiará a misa ás 12:00 horas da mañá.

Tal e como lembra o historiador local Xoán Martínez Tamuxe, as primeiras referencias á capela do Santo atópanse no Libro I de Haciendas y Rentas de la Abadía del Rosal (1530).

Dita ermida de San Sebastián, soldado romano e mártir, levántase á beira do Castro de Medas (ou Matamouros) na xuradía de Novás.